همسات توفيق
:؛::::::::::::::::::::::
ااااه يا قلبي
شو حامل وجع
وين كنت
وهلق وين صرت
وراء الشباك قاعد عم أرسم
صور وأكتب أخبار
قصة حياتك مرسومة على جبينك
خلقت ببلاد فيها الرب موجود
والصلاة مجبولة مع الإيمان
كان السلام بيوم من الأيام
وكان النور موجود من زمان
وزمان
كان عنا بيت مليان دفا وحنان
وبي طيب القلب وعم حباب
وام الطهر والعفة والعنفوان
غدرنا الأمان
بعد لحرب
ضاع الفكر
قررنا الرحيل
على بلاد غربه
بعيدة ما فيها إلا أمان
فيها البشر أرقام مسجلة
بالدفاتر مثل السيارات
لا حس ولا إحساس
وحدك بتعيش وحدك بتموت
ببلادنا قبل الحرب
الخير وين ما كان
الحب مرافق الإنسان
الطير عايش بسلام
كان في صباح الخير
في ومسا النور
وجيران بتزور جيران
كان القمر حارس على العشاق
بليالي الصيف مرسال يودي عشق
والعمر كان كان
نسمات الفجر وشال الحب
ونبع الوفى بوسات على
الخدين وصباح النور يا رجال
من ست البيت كل فجر تنقال
نار وحطب وموقدي وخبز ونسوان تهل
وصبايا تودي عجين وخبز تعبي
ورجال وكاسات عرق ونبيذ
وزيت زيتون بالمعصرة
ودبس عنب وخروب وأيام
كانت أيام
كان عنا سطح ومسطبه وعرايش
عنب من كل الألوان
والخير كان من أبو الخيرات
كان في سلم كان في سلام
سبحان يلي غير الأحوال
بعد التفكير
والخوف على المصير
تركنا الذكريات
قررنا السفر حملنا ولادنا على الأكتاف
مع الرياح راحت الأحلام
على بلاد غربه ما فيها إلا الأمان
اليوم كبرت العيال
وتفرقت بحكم الحياة
واحد بالشرق صار
صار رجال
والثاني بالغرب صاين ومنصان
والثالث بنظري بعدو صغير
شيخ اليو صار شيخ الشباب
وبنت عم تبني بيت
تعيش بأمان
وام رجعت تربي احفاد
وجد من ورى الشباك
ناطر ولاد الأولاد
ت يخبرهن خبار
من صلب الحياة
:؛:::::::::::::::::::::::؛؛
٥/٤/٢٠١٨همسات
الشاعر توفيق سليم العجيل
ليست هناك تعليقات:
إرسال تعليق