رُوق واهدى ....
فيكْ تروق عليّي شوي
وتعطيني فرصَة فكّر ؟!
يا قلبي مش شربة مَي
القصُة تا فوراً قرّر !!...
بعرف انّو كتير منيح
وما بخلَص مهما عبِّر
وانّو لمّا بشوفو بسِيح
وما بدّي عا غيرو دوّر !!...
لكن بدّي شوية وقتْ
تا عشْقو لعقلي مرّر
وما اندم اني تسرّعت
والحسرة عليي تسَيطِر ...
من النظرة الأولى هالحبّ
يخرب ذوقو شو بيجنّن
بيفرش نهداتو بالدّرب
ونبضو بيسحِر وبيفتِن ...
مين منّا ما داقو بيوم
وخلّاه بإحساسو مدمن
ويتناسى انّو موهوم
تا يكفّي بعشقو ويذعن ...
قاسي علينا يا حُبّ كتير
للزمن قلوبنا بترهِن
ولمَّن بتوقعنا بالبير
ما بتسأل عَا اللي بتدفِن ...
عامر ...
الله الله
ردحذفروعااات يافنااان