طالب القرب ...
خدي وقتك
فكّري عا مهلك
ما ني مستعجلْ عَ الردّ
وان حبّيتِ تحلّفيني
والله بحبّك عنجَدّ ...
راح اقطف كل النّجمات
واعمل منّن أحلى عقد
وزيّنلك كل السّاحاتْ
وافرشلك دربك بالورد ...
يمكنّي ما بحكي كتير
ولا بعرف اوصف أو ردّ
لكنّي بهواك أسير
والشّاهد دمعات الخدّ ...
إحساسي الصادق شلال
لا تبني بطريقو سَدّ
شو بحبّك يا أم الشّال
لا تحطي لأحلامي حدّ ...
الدنية ما بتسوى نطرَة
لا تخلّي رأيك محتدّ
وخديها مني عبرة
القلب الشّاري ما بينردّ ...
عامر ...
ليست هناك تعليقات:
إرسال تعليق