الدَّين بهالإيام !!
عا فكرة بشُوفك بُكرى
وماني نسيان الموضوع
كلّ اللي أخدتُن ذكرى
معقولة تضلّك مفجوع ؟!!
اشكر الله انّا عايشين
وما متنا لحظة من الجوع
ولو مرِّت عا السّلفة سنين
ما بدّها هالقدّ دموع !!!
يلعن اخت المصاري
اللي خلّت بينّا زعلِة
وتصير توقَف عا داري
وتعمل من نقّك شغلة ...
وحياتك انت ببالي
اتركني ردُّن عا مَهلي
كرمالك منّي لحالي
راح ردّن شغلة اسبوع !!...
هلأ شيلُن من بالك
لا تعكّرني وتتعكّر
لا تفكّر إلا بحالك
تا ما يطلع عندك سكَّر ...
مش حرزانة تحمّلها
كان غيرك والله أشطر
فرفش وارمي ورا ضهرك
غير الموت كلشي مبلوع ...
عامر ...
ليست هناك تعليقات:
إرسال تعليق