وتحررت ...
ليش مستغرب انّي عشقت
وبغيرك من قلبي غرمت ؟
الدنيه ما وقفتْ عندك
من يوم اللي لغيري رحتْ ...
كنت مفكّرني راح موت
ادبَل متل وراق التوت
اللي جوهر قلبها ياقوت
قدّرها غيرك انتَ فشلت ...
بشكر الله انّي خلصتْ
من قهري الْ ياما تحمّلتْ
صدقني انت اللي خسرتْ
وأنا مبسوطة بنصيبي ...
لا تنسى انتَ اللي جرحت
خلّيتني اترجّى وهنتْ
لكنّك وقتها تجبّرتْ
وزدت بناري وتعذيبي ...
بس هلأ راح اللي راح
وبدّلت لقلبي المفتاح
ورميت ورا ضهري الأتراح
تا كفّي عمري سعادة ...
غلطانة اللي بتقبل ذلّ
من واحد أحاسيسها احتلّ
عا غفلة بيزهق بيملّ
ومرجوعو لعندها عادة ...
عامر ...
ليست هناك تعليقات:
إرسال تعليق