للأسَف !!!
بدّك ياني انسى وسَامح
اتناسى غلطات مبارح
مهما تعذبني وتجرَحني
من أوّل أعذارك صَالح ؟
تعشق تتعرّف على غيري
ويضيع بنزواتك عمري
ماني مغلوبة على أمري
حتى تضل بعقلي سارح ...
حبيتَك ما بنكر حبي
خبّيتك بعيوني وقلبي
خليتك زهرات بدربي
بس شوكك غدّار وجارح ...
شو يعني ندمان وآسف
من هجري قلقان وخايف
جايه تبرّر لي المواقف
وتضل بكذباتك شاطح ...
لا تحلم قلبي يغفر لك
اتناسى جروحي وارجعلك
ما بيستاهل خاين متلك
مرة جديدة إيدي يصافح ...
بقلمي : عامر نابلسي ...
ليست هناك تعليقات:
إرسال تعليق