// انتو السبب// بقلم عيسى فضة

/ إنتوا السبب / إسمك حبيبي سيف مشغول بدهب حامل وطن من نور ما بيعرف تعب مشتاق قلبي يعانقك بعد السنين وننسى الملامة خارج حدود العتب ومن منهل العشقين تا نشرب حنين انطرني حبيبي راجعة بوَّس حلب وجبلك معي من الشام باقة ياسمين من ريحة التاريخ عَ وراقا انكتب من الشام لمّا بلّش التكوين يرسم مصير الكون للشهبا انتسب إنت وحلب والحب ورجال العرين إنتوا السبب تا ضل عشقاني الحياة ومن دونكن ماكان في عندي سبب . عيسى فضة