/ ياشام / شعر محكي
بحبك ياشام محجّبة بالياسمين
ومزنّرة بقلوب . . . عا مد النظر
بحبك متل ما حب ألله المؤمنين
ومتل الصحاري العاشقة زخ المطر
حبي إلك حب السهر للعاشقين
بحبك متل مابتعشق الريشة الوتر
عا قد ما اللبوات بيحبوا العرين
وعزم الأسود اللي حكومي من الخطر
مغروم فيكي كتير وبقلبي حنين
قبّل أيادي جيشنا السوري انتصر
بحبك أنا ياشام في عندي يقين
رب الحلى كل الحلى فيكي اختصر
قالوا القمر بيموت عا حب الجمال
رح ضل حبك هيك تيموت القمر .
/ عيسى فضة /
ليست هناك تعليقات:
إرسال تعليق