تناقض ..!!!
عايش عا كيف غربي
وعليّي بتعملْ شرقي
مُعجب باللي بتحبّو
وبتكره كلشي عَا ذوقي ...
مطنّشني منّك سَئلان
عليّي وعا حبّي وعشقي
مزوّدها بغزل النسوان
وبتقلّي هيدا رزقي !!!
يا ويلي إن قرّب معجَبْ
حدّي واهداني وردة
بيصير وجّك يتقلّبْ
ونظرة عينكْ محتدّة ...
مش راح اقدر ردّ عليك
ولا قلّك وحدِة بوحدة
البنت اللي غفيت عَا ايديك
بتبقى بشرفها معتدّة ...
روق اتهدّى عليّي شوي
وحرّر لي مرة عقلكْ
نار الغيرة بتكوي كي
حرقتني أنا من قبلكْ ...
ما بغلط لو مهما يصير
بتعرف قديش بحبّك
بس انت زودتها كتير
ودخّلت الشّك بقلبك ...
عامر ....
ليست هناك تعليقات:
إرسال تعليق