انا المنسي
في زمن قاسي
انا الحيران فى دنيا
مش علي مقاسى
الف فيها طول وعرض
الاقيني خلصت انفاسى
انا الضحكه إللى مكتومه
جوايا وحامله مأسى
وان طلعت
تلاقيها برده مكسوره
همومها علو راسى
انا الفرحه معنداني
وحلفه ما تلامس احساسى
تعبت خلاص مفيش إخلاص
من ناس قلبها قاسى
ومهما قسيتي يادنيا
مش هفضل حابس أنفاسي
هعافر في ربوع ارضك
ولاقي من يقدر إخلاصي
وارسم الفرحه مدويه
علي وجه الداني والقاصى
واقول للفرح قوم افرح
واغازل الكون باحساسى
م هو العيب مش فيكى يادنيا
العيب في ناس بدون احساس
قلوبهم كلها مأسى
بقلمي كمال السيد الفاوي
ليست هناك تعليقات:
إرسال تعليق