باللهجة المصرية ...
وحياتي .. جاوبني بصراحة
ما تخافش عليّي مرتاحة
خود وقتك فكّر بالراحة
انتَ عندك قلبْ ؟ !!
كل الحبّ اللي ادّيتهولك
شجرة عشقي بقيْتْ طولك
ولّا ده ... عُرفك وأصولكْ
تعشق غيرَك صَعب !!!
ما أظنّش تقدر تجاوبني
مش عايز لحظة تريّحني
بتتلذذ لمّا تجنني
وتشوفني بنهار ...
كلّ شوية بتلعب بيَّ
وما شفتش منك حنيّة
كل كلامك قاسي عليَّ
و معيّشني ف نار ...
وبتقولّي انتِ اللي ف قلبي
يا كنوزي ويا وردة حبّي
أنا صادق معرفش أخبّي
يا ريتكْ خبّيت !!!
سيبني أعيش دنياي لوَحدي
مع انّو هيدبحني بُعدي
انت حبيبي وعمري وسَندي
خلّتني جنّيتْ ...
عامر ...
ليست هناك تعليقات:
إرسال تعليق