حظووووظ 😥
مع انّو غَيري أضعفْ
وإمكاناتو مُش هالقدّ
عَا برج الكبرَة مرَفرَف
لا تقرّب صَوبُو بيحتدّ ...
مُش قصّة حسَد وغيرة
قصّة قهر وهَدّني هَدّ
الدنية أخلاقها صغيرة
ما بتعطي للرائع مَجد ...
بعرف حالي كتي منيح
مخضرم بالفنّ مثقّف
لكن حظي عكس الريح
وآخد من فرحي موقَف ...
مهما تعاندني يا دهر
وحياتك ما راح اضعف
واللي بيتعود عا الصبر
بالآخر لازم يُنصف ...
مُش وحدي بس المظلوم
هيدا يلّي معزّيني
حوليي كتار من النجوم
داقوا يلّي مآذيني ...
بالآخر قسمة ونَصيب
هيدي الجملة بتعنيني
لابد شمس النّحس تغيب
ومرّة الدنية تعطيني ...
عامر ...
ليست هناك تعليقات:
إرسال تعليق