نصيحة !!!
تعلّم كيف تعاملني
وانسَى زمن السّي السّيد
دللني تا تلاقيني
الطيبة الحلوة الْ بتعقّد ....
اوعى تفكّر تكسرني
أو إركع مهما تهدّد
أبداً هيك بتخسرني
وبرّات القفص بغرّد ...
عندي كرامة بتسوى الكلّ
ما بعمري بفرّط فيّا
لا تفكّر انّك تحتلّ
عزة نفسي وتنهيّا ...
خلّيك جنتِلْ متل الفلّ
روحي لروحك بهديّا
عا راسي بشيلك ما بملّ
بصير لكْ شمعة تضويّا ...
صرنا مع بعض جناحين
تا نرفرف ونطير بحُبّ
لو تكسر مني ضلعين
عَا وجّك راح توقع طبّ ...
انتَ عين وآنا عين
بنكفّي بسعادة الدّرب
ما بعمرُو الكره بقلبين
بيودّي إلا للكربْ ...
عامر ...
ليست هناك تعليقات:
إرسال تعليق