شو صعبة تعشَق انسان
وهوّ مشْ قاشِع حبَّك
بيعشق غيرك حدّ الجنانْ
مع انّو ساكن جنبك ...
بتضحكلو تا يفهم شي
أو يسمع كلمة ترشيه
بيتبسّم بعدها بيمشي
وكأنّو خيال بدربَكْ ...
عزّة نفسَك بتقول بسّ
ما بقى اتعب كرمالو
راح بطّل بغرامو حسّ
واترك هالشبّ بحالو ...
لكنّو قلبَك عا الهسّ
الْ ما بعمرو منّو شالو
ما بيقبل غير هوّ وبسّ
يضخّ بشرايين وصَالو ...
وبتبقى عايش بالوَهم
متعشّم تشغل بَالو
ويتحققلك أحلى حلم
ومن بعد الصّبر تنالو ...
لكن يا خسارة الإيام
والدمعات الْلي سَالو
معشوقك مع غيرك هَام
وجهّز للجازة حبَالو ...
عامر ...
ليست هناك تعليقات:
إرسال تعليق