مال وجمال !!
فهمتْ عليكْ كتير منيح
وضعَك صاير فوق الرّيح
ما بدّها القصّة تلميح
حابب تبقى مرافقني !!! ...
حسَبتها بعقلك يا منظوم
بدّك بينّا الألفة تدوم
قبل ما تسرَح وتعوم
شَرطي الأوّل تخطبني ...
مَنّا عيب ولانّا حرام
تا ترجّع أحلى الإيام
وأنا حقق كل الأحلام
صير مَلكة عندي كلشي ...
شو نفعت كل الأوهام
يخطبني فارس أحلام
ايد من ورا وايد قدام
من فقرُو يملّ ويمشي ...
تلاقينا بأحلى فرصة
فرق السّن منّو قصّة
ما بدّنا عرس وجرصة
خلّي الفرحة عا الضيّق..
النّاس بتحسدنا بُكرا
بتصير تنقُد من جَكرا
وبيصيروا يلتّوا برّا
الله يوفّق لنصَفّق ...
عامر ...
ليست هناك تعليقات:
إرسال تعليق