منورين شعار المنتدى الراقي
*******((-( غفلة قلم)-))*******
بدك حديقة ورد أو بدك اشعار
عأي ميل بالحالين عشقاني
بدك ورود مفتحا أو بدك لزرار
أو بدك شعر من طيب قصداني
عندي ورود الدني معطرة بالغار
وعندي فكر للشعرودراج ملياني
قالت شعر بالخمر يُسكر الثُمار
بحب الشعر مع تشنيف آزاني
قلتلها تكرمي والقلب وهّج نار
عرفتا بأنا عدبق الحب علقاني
ندهت اليراع وقلت جم للاغمار
جاوب وقلي وعند الرد ابكاني
مانك صديقي انت يامهمل ومكار
تحكي بإسمي وبالحالين تنساني
دور لغيري حدا يكتب بشحتار
تكزب عليها حكي منقول علساني
تخربط كياني وقلت آه ياثرثار
المكر بدواة الحبر مسود بقناني
هيدا الجرى هاليوم وللي صار
كسرت القلم مع لوح قصداني
بقلمي
سلمان حسن
ليست هناك تعليقات:
إرسال تعليق