رجولة...
حبّيتِكْ غير كلّ الحُبّ
وصَعبْ عليّي اشرَحلِكْ
شو حاسس جوّاتْ القلبْ
وشو يعنِي وجودِك كلّك !!!
بيكفيكِ نظرَة بعينيّي
تا كلّ سرَارها تقلّك
وتخبّرك عن عشقها وشوقها
وشو بِكيِت تا توصلِّك !!!
بيقولوا النّاس وبيعيْدوا
خبار اللي قبلي عشقوا
وحياتك ما قدروا يزيدوا
عن حبّي مهما صَدقوا ...
بركاني قايد ما بيهدا
لو مهما جنّوا وطقّوا
وكلماتي ما حدَن بيعدّا
غير نبضي السّاكن قلبِكْ ...
زيديني لا تخفّي عليّي
واسقيني خمرة حُبِّكْ
مَنّي طالب منّك رَحمة
رحماتي وجودي بدربِكْ ...
بقولها وهيدي المرّة الأولى
بحبّك ..يا قمري .. بحبّك
ما بعمرو بيخلص مفعولها
يشهد عا حكيي ربّكْ ...
عامر ...
ليست هناك تعليقات:
إرسال تعليق