رمَيتها بوجّي ماحسَبتها
ولا همّك شو يلّي عملتْ
قصّة حُبنا كَنسَلتها
وعن إذنِك حتى ما قلتْ !!!
كيف لك قلب تجرّحني
وتقلّي قلبي سَكّرتْ
تمشي وما تسأل عنّي
مع انّي من الصّدمة انهرتْ ...
وين كان مخبّى ظلمكْ
يا عاشق ليشْ تغيّرتْ
ما راح اترجى ضمّكْ
من هاللحظة بعيني متّ ...
مع انّك ما بتستاهل
اغفرلك أو لاقي عذر
انسى جروحي بالسّاهل
وداوي قلب بينزف قهر ...
لكنّي لسّه بحبّك
وما بتمنى يصيبك شرّ
الله يسهّلك دربك
وتبقى مضوّى طول العمر ...
ماني عم مثّل حبّي
ولا عم احكي نظرياتْ
لو كنت بتعرف قلبي
كنت رحمتُو من الطعنات ...
هيدا الصادق بِ حبّو
ما بيأذي اللي لقلبُو فات
أو يرضى شوكة تصيبو
تا ما يسمع منّو الآهات ...
عامر ...
ليست هناك تعليقات:
إرسال تعليق