أخلاااااق ...
قلبتيها حَرب ؟
وحدِك انت الخسرانة !!
دمّرتِ القلبْ
بكلمة منّك زهقانة ...
ضيّعتِ الحُبّ
وكلشي زرعتُو بوجداني
واللهِ عيَبْ
مع هيدا مش حرزانة ...
بترميني بشوك
برميكِ بأحلى زهرة
بتسبّي عليّي
بطفّي من دربك جمرة ...
اللي عرف الحبّ
ما بتقتل حبّو قهرة
هيك تربّيت
ما كون بعمري جاني ...
غضبِك بركان
لكن ما راح يحرقني
حبّي اللي كان
ما بيسمحلو يجرفني ...
قسمة ونصيبْ
هيك الحبّ معلّمني
كل منّا برأي
تتهنّي مش فرقانة ...
عامر .....
ليست هناك تعليقات:
إرسال تعليق