نقطة ع السطر ...
بتعرفني أكتر من حالي
ومع هيدا بتراقبني ؟؟؟
كيف ظبطتْ هيدي يا غالي
فسّر لي لا تجنني ؟؟ !!!
إذا كنت مأكّد بتحبني
وواثق ليش تجرّبني ؟
وإن كنت بنظرك ما بسوى
شو اللي جبرك تخطبني ؟؟ !!
أوهامك صارت تخنقني
ما بقى فيّي برّرها
وطباعك صارت تحرجني
خايفة اعجز غيّرها ...
أحسنلك تتنازل عنّي
شوفلك غيري تدمّرها
خليني بحالي وانساني
غلطة ما بقى كررها ....
اللي بتعشق واحد شكاك
وكل لحظة عقلو بيجنّ
بيصوّر لها انو ملاك
وع غيابها بيتعَب بيحنّ ...
ما تصدّق آخرتها هلاكْ
وطبول جنانها بترنّ
بتتمنى رمية شبّاك
من قهرُه ومن سوء الظنّ ...
عامر ....
ليست هناك تعليقات:
إرسال تعليق