بيكفِي لمّا تراسلني
وتعبّر لي عن حبّك
حدّ النجوم بتطيّرني
وترجّعني عَا قلبك ...
يا الله لولا بتعرف
قدّيش يا غالي بحبّكْ
ما كنت رضِيت بمرسالْ
وتضيّع فرصة قُربكْ ...
بقرا حرُوفك حرف بحرف
تا ما يهرب منها إحساسْ
وبصير بعدها ارجف رجف
واتدارى من عيون الناس ...
ما حدى بيعرف هيدا الظرف
إلا اللي عايش محتاس
بين الأملْ وبين الخوف
يبقى أو يخسر دربك ...
غالي عا قلبي كتير كتير
ما بتصوّر عمري بلاك
يا ملاكي يا أحلى أمير
أنا روحي وأيّامي فَداك ...
لا تبعِد مجنونة بصير
إذا ما كل لحظة بلقاك
شو متمنية لحضنك طير
أو اوقف حدّ الشباك ...
عامر ...
ليست هناك تعليقات:
إرسال تعليق