( محظوظ ) شعر شعبي
فيها التقى
والورد بلّش بالنفير
قلبو انخطف
منّو تحت إشرافها
يللي بجمال
الروح والقلب الكبير
كل الحلى
موصوف من أوصافها
صابيعها
قطفة حبق ملمس حرير
وشعرا
جوانح ليل فوق كتافها
وبعيونها ساكن
سحر مالو نظير
حتى القمر
بيجن لو ما شافها
هز الورد
تَ يشم هالعطر النضير
ومن يومها
ما عاد لحظة عافها
وكل ما صباح
الخير يمرق عَ الغدير
بيكتب
قصيدة عا ورق صفصافها
بحروف خمر
شفافها وريشة عبير
نبيد العشق
والكاس بيقولوا سوا
محظوظ
يللي داق خمر شفافها . عيسى فضة
ليست هناك تعليقات:
إرسال تعليق