صبراً
غزلت توب الصبر
وفصلته علي قدي
طعم الحياه مر علقم
ومع الصبر هتعدي
ياسنين عمرنا يا جايه
شدي الهمم شدي
وتمسكى بالصبر
لاجل الموجه ما تعدي
وخلي الأمل مجاديف
يوصلنا لحد ما نعدي
لشط بر الامان ريحين
بحلم على قدك وعلي قدي
موال الصبر ليله طويل
حكلنا عنه جدك وجدي
امسك خيوط الأمل بصبًرك
والاستعجال لا يجب ولا يودي
بالصبر والعزيمة القوية
هنكسر الصعاب ونعدي
والحلم يصبح حقيقة
وتبقي الأيام وردي
بقلمي كمال السيد الفاوي
ليست هناك تعليقات:
إرسال تعليق