( الوطن والحقيقة )
المسلم مسيحي بسوريا البلد العريق
وهيك المسيحي مسلم بذات الفريق
من مطلع التاريخ هنّي توحّدوا
وعملوا وطن مشغول بالدهب العتيق
عَ الحب عا فرح التآخي تواعدوا
وصاروا منارة مشعشعة بنفس البريق
تنيناتهن . . ذات الإله بيعبدوا
إخوة وطن ميمون عن حق وحقيق
ومهما المذاهب يكتروا ويتعددوا
بتبقى المحبة مذهب العيش الأنيق
لولا الخيانة والغرب ما ورّدوا
إرهابهن عا كل بيت وكل طريق
كنا بأمان اولادنا ما تشرّدوا
وكان المسيحي أخ للمسلم شقيق
مسلم مسيحي بسوريا بيتعمّدوا
بجرن الأصالة والمحبة يا رفيق
بيبقوا سوا والكل فاتح معبدو
: لعمر وعلي وصالح وعز الدين مع حنا وشفيق :
ومهما الدواعش هددوا وتوعّدوا
بيبقوا متل غربان بجنون النعيق
ومهما الأعادي عا بلدنا يعتدوا
نسورها وأسودها متل الجبال بيصمدوا
بعزم وبطولة بيمرقوا فوق الحريق . عيسى فضة
ليست هناك تعليقات:
إرسال تعليق