نصيحة ...
صارحني لا تخبّي شِي
وتركني قرّر وقتها
ببقى حدّك أو بمشي
بتكون روحي ما ظلَمتها ...
مَنَّا أصول تخبّي الصّدق
عَا البنّوتة الْ حبّيتها
تا تكفّي العشرة بالعشق
وما تكون بالكذب ملَكتها ...
لا تعمل فيها شاطر
وتفبرك ع بنات النّاس
كلّو بيظهر بالآخر
وبتخسر وقتها الإحساس ...
خليك معدّل رجّالْ
بتضلّك مرفوع الرّاس
والصراحة والأفعالْ
بتدّل عَ معدَن ألماسْ ...
ما في كذبة بتبقى سرّ
مهما تحاول تخفيها
ساعتها كشفها شو مرّ
ما في عذر يغطّيها ...
وبتوقع من عين البنت
ما بتعلى لو مهما عملت
عا أول فرصة بتزتّ
كل العشرة وتنهيها ...
عامر ...
ليست هناك تعليقات:
إرسال تعليق