كطره وكحل ماكدرت تكحل
عيون حوريتك
لان عيونها الحلوه امكحلها
كحل بيتك
كحل رباني مكحلات عيونها
الحلوه عراقيتك
حلوه حجايتك عريان جميله
هواي شعريتك
اخذ مني يبو جويده عراقيه
كحلها يكول حبيتك
كل الناس تشهد عراقيه.اهي
حلوه فراتيتك
اصيله ولو طاح الرجل تكله
ابشر انا جيتك
كطره.. وكحل .....لاتحتار هي
مكحله بصيتك
سواد عيونها نخيل.... البصره
والحله المحليتك
عدنان المسلماوي
ليست هناك تعليقات:
إرسال تعليق