اقعدي مع حالِك !! .....
مش عم جرّب برّر موقف ما حسّيتْ بانّو غَدر ...
انتِ فهمتِ هيكْ القصّة وصَعب عليك تقبلي عذر !!
كنتْ مفكّر انّك أَوعى وواثقة باللي عشقِكْ دَهر ..
بسّ الهيئة بموقف واحد ثقتِكْ فيّي صارتْ صِفر !!!!
عن جدّ توجّعتْ وحاسس قلبي عم ينزف م القهر ..
كيف بتخَوّني اللي ما بعمرو تمنّالِك قهر ولا شرّ ؟ !!!
اقعدي مع حالِك فكّري فيّا لا تخلّي شيطانِكْ حرّ ..
بتلاقي الموقف ما بيسوى تجرّينا للفرقة جَرّ !!!
العشرة بتسوى ندافع عنها ونسقيها كاساتْ الصّبر ..
وما نخلّي وساوسنا تحول عسَل الحبّ لملح ومرّ !!!
عامر ....
ليست هناك تعليقات:
إرسال تعليق