سهرت الليل بطوله وانا بالي عليه مشغول
اروح الباب وافتحه بسرعة واطل واقول
اتأخر ليه هو في ايه يا ربي سلمتك امري
نفسي بس اشوف طيفه راجع هنا على طول
خايفة من الشكوك اللي بتحرق بدمي
مش عارفة ليه كل حاجة جوايا بتغلي
هو خلاص راح ومش راجع لا مش معقول
احساس غريب وعجيب اول مرة يزورني
رجعت مكسورة منهارة روحي خايفة وحزينة
دمعتي ع خدي ذي الشتا ونفسي مكسورة
قاعدة وحدي وفكري نار والشيطان هو المسؤؤل
خلاص يعني سبني وراح لسكته الطويلة
وغبت عن الدنيا وبقيت وحدة تانية بتحلم
وشفته ايوه شفته واقف قدامي وايده بتسلم
كلمته من غير ما اساله هو ليه كان بعيد عني
حسيت بيه وبلهفته بصحيني من غفلتي ويقدم
ايوه هو ده حقيقة مش خيال هو قدامي مش حد تاني
انا مش بحلم لا ابدا ده مش حلم ولا كابوس واخدني
فتح الباب لوحده من غير ما يتكلم ف حضنه خدني
وقال لي اعذريني اتأخرت عليك بس كان غصب عني
كل ده من خوفي يبعد عني
ليست هناك تعليقات:
إرسال تعليق