كسر خاطِر 😪
قلتيلي مَنّكْ رجّالْ
وخنتْ الوَعد اللي قطَعتو ..
والحبّ اللي بحجم جبال
بلحظة غدرك ضيّعتو !!!
يا خسارة كلمة بتنقال
وحكيكْ ع كتافي حمَلتو ..
بسّ ربّنا الْ عالم بالحال
بيعرف حُبّكْ ما خذلتو !!!
شو بعمل لمّا الأيام
بتقلب بظروفها ضدّي ..
معقولة عيش الأحلام
وقول للجَنّة ما بدّي !!!
تحدّاني الفقر وخلّاني
بالغربة ميّتْ وحدي ..
كلّ ليلة يرافقني القهر
ودموعي تجرّح خدّي !!!
مش رَح اعتب ع الكلمات
ولا جرّح لحظة فيكِ ..
بعرف قدّيشك مجروحة
بيكفّيكِ يلّي فيكِ !!!
لكن وحياة الْ فرّقنا
وما خلّاني هنيّكِ ..
بتمنى ما تدوقي وجعي
ولا غصّاتي تئذيكِ !!!
عامر ...
ليست هناك تعليقات:
إرسال تعليق