¤¤¤ سماء سورية ¤¤¤
السما إلها بصفاء اللطف عادة ¤
ومابتهتم بالضجة زيادة ¤
ونحنا قدر مابخلنا كريمة ¤
بغض النظر عن نوع العبادة ¤
بحنانا عالأرض فيها شكيمة ¤
مهما بحقها اسودت ايادي ¤
بتبقى رمز للنية العظيمة ¤
اللي فيها الرب بالإحسان بادي¤
ونحنا بالأرض شلعة لئيمة ¤
محمد نهجرو ونخون فادي¤
منذكر ربنا بلحظة سقيمة ¤
من التسبيح تخضر الأيادي ¤
وبعد مانعود صحة كالبهيمة ¤
بدنا لنشيد الكفر شادي ¤
لاوجدان ولا فكرة حكيمة ¤
بترسم درب نجاة من الابادة ¤
يبغي ربنا نحب بعزيمة ¤
مابدو بوجهنا اللون الرمادي¤
لأنو جابل الفطرة القديمة ¤
لطيفة بتشبهو ونعم الولادة ¤
شو اللي صار يانفس الغشيمة ¤
اكتسبتي طبع مامنو افادة ¤
خسرتي مغفرة كانت حميمة ¤
بتسقي صاحبا كوب السعادة ¤
الحضارة في لها نهاية وخيمة ¤
إذا غفلت عن الشتت بلادي ¤
مرح نولي الثقافة أي قيمة ¤
إذا اعتمدت مفاهيم الأعادي ¤
صوت الحق لو بحة رخيمة ¤
صافي السمع نجدلو وسادة ¤
لو تأخر صداه بظل غيمة ¤
الو حسن الختامة والسيادة ¤
سورية مخزقة توب الهزيمة ¤
لأنو الجيش عاصدرا قلادة ¤
ولو كانت بجرأتها يتيمة ¤
رح بتمشي على الخطة السليمة ¤
طريقا للنصر أو للشهادة ¤
-------------------------------------
¤¤بقلمي رامز حسن ¤¤
وبتوجيهات الشاعرالكبير سلمان حسن
ليست هناك تعليقات:
إرسال تعليق