اه يا دُنيا !!!
يا دنيا ما لقيش أمَان
بتصاحِبي الخوّان ..
الطيّب فيكِ تايه
وبريء ورى القُضبان !!!
وبتدّي الحظ كلّو
لناس مِ العزّ ملّوا ..
وتحرمي الْ مش ملاقي
رغيف عشان يوصَلّو !!!
يا ربّ احنا غلابة
عايشين بِشرِّ غابة ..
ما تاخدش على كلامنا
وتأخّر في الإجابة !!!
مش قادرين نبكي أكتر
ده الصّبر بابو اتسَكّر ..
خايفين بصراخنا نجهر
ليقولوا علينا ديابَه !!!
كرَمَك هيفضل واسع
ما لناش غيرَك نِراجع
ارحمنا من المواجع
على شان خاطر الصّحابة ...
عامر ...
ليست هناك تعليقات:
إرسال تعليق