/ واحة حلى /
فيكي يا واحة تهودج وجودي
بشريان قلب الحب مشدودي
ما زال صالح راسم المشوار
بورد المحبة الورد معبودي
مدّي حلاكي وارتكي ع الغار
ورشّي عطورك عا مدى جرودي
وتشنشلي بدهب الشعر يا دار
عيون الموسيقى اليوم موعودي
تشوفك عروس ولابسة من قمار
تاج الأصالة وبالحلى تجودي
وتتعمّدي بلهتة شذى الشعّار
تكوني بِنهر النور معمودي
ردّي عليكي شرشف الأزهار
قبل الدني ماتميل ع برودي
تغطّي بوشاح الفل يا جلنار
وحدك بِعين الشمس مولودي
رشّي القوافي وبوّقي الأشعار
دقّي الوشم إسمك على زنودي
ولو يسأل الإبداع شو اللي صار
رح إتركو تيقول عنك هون
ملكة جمال الكون موجودي . د عيسى فضة
ليست هناك تعليقات:
إرسال تعليق