صباحكم مشرق وجميل
&+&&&( فشة خلق)&&+&
رحت ع السوق كي اشري بجامة
ل طفلة زغيرة بأول فطاما
دهشني سعرها ومقدرت اشري
وقتها قلت ع الدنيا السلاما
بجامة زغيرة ب هالسعر كلو
كيف بيلبسو ولاد اليتاما
يويل الراتب البائس يدلو
متل بدلة هريئة من كماما
المرا بتعصب لزوجا عم تقلو
مبدي عيشتك وديني ل ماما
مكان القصد ب كلاما تزلو
بحب اولادها زايد غراما
وكانو. عيونها بالدمع هلّو
وكانت صايمة وأُبطل صياما
غمرها الزوج شمشم ورد فلو
بخدا وشدّها وقال السلاما
بكرا ه الاسى ب يزول جلّو
علينا ضيّقو اولاد الحراما
عملو حظر تيقوم الشعب كلو
ضد الوطن. بقصد الإنتقاما
خسرو المعركة ب إذلال زُلو
لذلك عندهم قامت قياما
وحيات دموع يل من عين هلو
إما شهيد بكرا تزلغطيلي
او فستان احمر تلبسيلي
يوم النصر ونطيّر حماما
سلمان حسن
ليست هناك تعليقات:
إرسال تعليق