كَيْد !!!
مش هَمّ تفلّ وتجرَحني
لأنّك عايش حُبّ جديد ..
لا تتوقع مني مَشكل
أو بلّش معك التهديد !!!
ببساطة قبلتْ اللي عمَلتو
واسمع مني مش رح عيد ..
اليوم الْ فيه قلبي ضيّعتو
وحياتك صار عندي عيد !!!
لا تفكّر لحظة رَح ابكي
أو اتنازل اترجّاك ..
وقلّك شو بتعنيلي بلكي
بتقبل مني ابقى معاك !!!
عزّة نفسي أغلى منّك
كرمالها انا راح بنساك ..
واحرق كل ذكرى بتجمعنا
تا ما تبقى نيراني تقيد !!!
لا تنغرّ بقسوة قلبكْ
وانّك راضي باللي صار ..
وعندك قدرة تجدد حبك
وبتنهي بسرعة إعصار !!!
راح ترجع مكسور لقلبي
مهما جناحك علّى وطار ..
ساعتها بتشوف بعينك
كيد الأنثى لمّا تكيد !!!
عامر ...
ليست هناك تعليقات:
إرسال تعليق