مساء، الحب ، مساء، الوفاء ،واحتي
&&&&&&&( انا وقلمي )&&&&&
قلمي
قلي تفضل ع الواحة ب السرعة فوت
فيها شعر الفصاحة حوّش ياقوت.
فيها شعّار لمّاحة من حب التوت
تلوّن بالشعر قداحا اشربلك فنجان
انا
بدّك معهم تبليني شعّار كبار
واحة كبيرة والداعي مش قد الكار
دخلك حدك خليني دون استهتار
الواحة بالدنيا زينة شوف العنوان
قلمي
قلي قلمي ياشاعر اوعاك تخاف
هيدي الواحة المشهورة شعبا مضياف
فيها ملحّن من عودو كل الأصناف
أب يعلّم طلابو بعطف وتحنان
انا
خايف إنك تغويني هالحمل تقيل
ختيار مدهدك حيلي ما بقدر شيل
ماني شاعر متعلم خرج التفعيل
لكن بالشعر الصادق عندي وجدان
قلمي
ليش مجبّن ومعطلج شو صاير فيك
فيها بنيات الحلوة وربّي بتحميك
م بيسترجي ولا شاعر إنو يؤزيك
الحكم بهالعصرالحالي حكم النسوان
انا
طيب رح جرّب مرة جسّ الأنباض
اوعى إنك تخزلني ياحرف الضاض
سقطت كلمة من تمي وتم الاجهاض
خياتك إذ نسيونك ويلك سلمان
سلمان حسن
ليست هناك تعليقات:
إرسال تعليق