محيَّر !!!
يا إمّي أنا غَير النّاس ومَنّي حابب اتغيّر ..
مش قصّة عَم كبِّر راسْ ولا قصِّة ذوقي محيَّر !!!
مين قلّك ما عندي النيّة أو منّي كتير محضّر ..
ما بدّي جوازة عاديّة من غير ما بعشقها اسكَر !!!
فهمان عليكِ يا إمي والخوف عليّي مقدّر ..
كرمالي لا تزيدي همّي مش ناقص ضلّ معكّر !!!
بدّك تفرحي هلأ فيّي وتشوفي ابني يكبَر ..
يكحّل عينيكِ وعينيّي قبل ما شَيبي يكتر !!!
هيدا الشي اللي حارق قلبي وخوفي من خوفك أكبر ..
ومع هيدا ما بدّي غريبة او حسّ بحالي مجبَر !!!
بدّي صبيّة يحبّها قلبي تدوّبني متل السّكّر ..
مش أي وحدة شفتها بدربي وقضّي عمري نتقبّر !!!
عامر ...
ليست هناك تعليقات:
إرسال تعليق