مجروحة !!!
لا تنسى بقلبي شو عملت
وقدّيش بإحساسي لعبت
لا تستعجل عا النسيان
ثقتي لترجع بدّها وقت !!!..
اعطيني فرصة انسى القهر
ودموعي ال عا خدودي نهر
وطعناتك يا شريك العمر
وكيف بلحظة نزوة انهرت ؟!!
مهما تقدّملي أعذار
تا تفسّرلي يلّي صار
راح تبقى بنظري غدّار
ما بتنجح مهما بررت ...
مشكلتي بحبّك بجنون
ما بعشق غيرك بالكون
لكنك قاسي وفرعون
على قلبي كتير تجبّرت 😥
بقرر كون أقوى من هيك
تا اقسى واحقد عليك
لكن نظرة من عينيك
بتنسيني شو قرّرت !!!...
عامر ...
ليست هناك تعليقات:
إرسال تعليق