خيبة !!!
شو زرعت براسي أحلام
وعيّشتيني بالجَنّة ..
يا خسارة طلعِتْ أوهام
وكل مِنّا عَ لَيلُه بيغنّي !!!
انتِ عم ترمي بِكلام
ومش قاصدة تحكي عنّي ..
وأنا عم ارسُم لقدّام
تا تصيري الأقرب منّي !!!
شو تمنّيتْ كُون المقصود
ومع كل هيدا تتهنّي ..
بالشّبّ اللي عطاكِ وعود
وكلمة منّكْ مستَنّي !!!
ديماً هالدّنيه بتخدعنا
وبتعلّقنا بالممنوع ..
عَ غفلة بقسوة بتصدمنا
وبتملّي عينينا دموع !!!
لكن يا خسارَة أغلبنا
ما بيعرف عن غلَطو رجوع ..
وبتبقى الحسرة تاكلنا
وبيبقى العاشق موجوع !!!
عامر ...
ليست هناك تعليقات:
إرسال تعليق