الحقّ عليّي !!!
وشو يلّي بَعد مخبّيه
وناوي بهالقلبْ تسَاويه ؟
بيطلعلَك تتمقطَع فيه
وتجَرّحُه أكتر وتئذيه !!!
مش لازم عاتبْ أو لُوم
بدموعي الْ ما الها لزوم
اللي بيرضى يبقى مظلوم
أحسنلو جرحو يخفيه !!!
عيّشتكْ مَلِك وما انهنتْ
ما سألتكْ مرّة وين كنتْ
ياما غيرتي وآهاتي كتَمتْ
تا العشق الْ بينّا احميه !!!
كلّ هالشي خلّاك جبّار
بتغلط ما بتعرف أعذار
وبسرعة بتقلبها نار
عليّي وصوتكْ بتعلّيه !!!
شو ساوي قولوا يا ناسْ
اللي بحبّو ع قلبي داسْ
لو بقدر امحي الإحساس
من قلبي الصادق بلغيه !!!
عامر ...
ليست هناك تعليقات:
إرسال تعليق