شروقي : مدين رحال
مَرت سنين العمر دِقت القهر ألوان
وماعاد عندي جلد أصبر ع أيامي
خِربِت ع راسي الدني وتخربط الدوزان
وطَبقِت رياش الصدر من كتر آلامي
وعيار وزن الحِزن بيرجّح الميزان
وعيار وزن الهَنا عنو القَدَر عامي
ياما ببيتي طْعَمت ل مشرد الجوعان
وضيوف بيتي يجو وفيهُن قَدِر سامي
كل يوم سهرة فرح مفتوح هالديوان
بحكي الحقيقة انا مش رَوج إعلامي
واليوم قلبي نكسر من جَور هالأزمان
تا صِرت أكتب شعر وتجود أقلامي
وعني تخَلو انا الأصحاب والخلان
حتى عيون الحسد بديت بإعدامي
وجراس روحي انا رَنّت ب هالميدان
صاحت بصوت الوجع مكسور هالقامة/ي
بحقك ي رب البشر كَنّي انا غلطان
بجودك غفرلي الذنب في يوم القيانة/ي
..................................
كلماتي وبقلمي انا مدين رحال
ليست هناك تعليقات:
إرسال تعليق