/ فزعان ع التنّور /
لا تتركي باب القلب والروح
يبقى متل باب العرب مفتوح
خايف ع كتر الفتح إنو يصير
مهزوَز متل مخلوع عم يلوح
وفزعان ع التنّور يحمى كتير
يبقى الوهج أكبر من المسموح
وتحرقلك النيران فستان الحرير
ويتشلوط الخبز الطري المشروح
والورد يدبل . . يموت العبير
ومايضل في عندك شذى بيفوح
ويوقع بِنص البير قلب الزير
ويضل جوّات الشقى مشلوح
وقلب اللي حبك ينقسم نصين
نصو الحلو رح ينتهي ويروح
ويكون نصو اللي بقي مجروح . د. عيسى فضة
ليست هناك تعليقات:
إرسال تعليق