برافو عليْكِ !!!
فرحانِة ومبسَوطة كتير
بقصّة لعبِكْ عَ الحَبلين ؟؟
مش رَاح يبقى السرّ ببير
وراح تبكي ندم العينين !!!
مو شطارة تخونيني بحُبّي
وتقولي هالقسوة منين !!
وقتْ طعنتِ بإيدكْ قلبي
قوليلي كان عقلك وين !!!
بستغرِب كيف قادرة تشكِي
وتمثلي دور المظلوم !!!
متل الطّفلْ الْ قاعد يبكي
لأنّو من عيدو محروم !!!
الحمدلله اللي بيّن كذبكْ
وعرفت القصّة بكّير ...
وما ضلّيتني أعمى بدربِكْ
مش عارف شو عم بيصير !!!
لأنّي صادق ماني منافق
ما بعرف غش وتزوير ...
خلّاني سبحانُو مفارِق
وبالآخر الله الْ بيجير !!!
عامر ...
ليست هناك تعليقات:
إرسال تعليق