للصبر حدود !!!
اتطَمّن .. لا تعتَلْ هَمّي
وعليّي لا تشغِل بالَكْ !!
أنا عادي ينشَف دمّي
موت بالحسرَة كرمَالكْ !!! ...
اوعى يرفّ بعيونك جفنْ
وتبدا تعاتبْ بحالك !!!
شو يعني أنا طقّ وجنّ
لأنّي محرومة دلالك ؟ !!!
خلّي اللي عشقتها بالسرّ
وعم تتصرمَح من مالَكْ
تبقى حدّك طول العمر
شريكة دربكْ وخيالك !!!
الله ما بيرضى بالظلمْ
وراح يقطع كل حبالكْ
اللي جرّيتني فيها بلؤم
وخليتني ارضى وصالك !!!
ابقى حبّكْ هيدا حلم
وقلبي من وسطُو شالَكْ
ضبّ غراضك متل الزّلمْ
أحسن ما ناري تطالَكْ !!!!
عامر ...
ليست هناك تعليقات:
إرسال تعليق