صباحك مشرق واحتي الكريمة
$$$$$$ $$$$$ $$$$$ $$$$$
مبارح ع شط البحر بشواطئك طرطوس
بعد العشي. فتت مشوار ع المينا
صرلي سني بهالبيت متواجد ومحبوس
استحليت عيد الذمن وترجع لنا ليالينا
لقيت الرصيف نتلا كالعرس يحتفي بعاروس
ع مد بعد النظر ع الشط شو مشينا
شوف البنت مشنكلة شب ب إيدها عرنوس
وجنبا حبيب القلب وكاد الشوق يُبكينا
زكرت الزمان المضى الدهرمبيحمل الناموس
من سوء فعلو رضي على العكاز يحنينا
تأوهت وقلت ليش التعب ما كارها لفلوس
بعد المشيب وعجز وفارق النوم عينينا
إح وأحيح وقفلة حاجب بمنظر المنحوس
وبكرا تحت الثرى الزمن مجبور يطوينا
وقّف شي تكة عز ب هالدني تُعتبر قاموس
وإلّا الزمن بعد هالعمر المرّ يُنسينا
سلمان حسن
ليست هناك تعليقات:
إرسال تعليق