بغيابك كتب القصيدة بلا عنوان
بليلة تاهت الروح والقلب شارد حيران
والدمع من العين ينزف
من لوعت الحرمان
وكأني كنت عم قدم أخر إمتحان
وصرت ناطر زهرة الأحبام
كتبتها بدون لون ..بدون اقلام
دونتها على الحيطان
خططت حروفها بنظرات الألم
والتحدي.. والعنفوان
تمنيت ااااه شو تمنيت
تمنيت تتبلل من حبال المطر
ويمحيها الطوفان
وحتى ما تشوفيها
رسمتها على لوحة النسيان
سحبتها من وجع قلبي
ومسحتها مع دمع حبي
كتبتها قصيدة بلا عنوان
تتبخر ..وتذوب مع الأيام
سافرة بعيد وبليلة ظجر
ما كان فيها نور للقمر
لبسني الليل ..وشفافك الحمر
وراح الحلم
تارك بقلبي حنين
مدبوح مرمي على بواب الهجران
لفيت العمر تحت الغطى
ولبست سنين الأسَ
وسافرت حامل مفتاح البيت
وشويت.. صور .. وبعض الوجع
لما سألت نفسي لوين الرحيل
صحاني صمتي .. وبكيت من الأنين
يا رايحة لوين ولعند مين
عطرك عطر النسيم ..ونكهة الياسمين
قصت للحياة كتبتها ..خزنتها
بين ضلوعي وخلف قلبي دفنتها
سمعي وشوشة قلبك
وشعيق أنفاسك
وضمك يلي كان من سنين
لو كان بعد في عندك حنين
وبتتذكري أنا مين
بحلفك وقت نومك
ضميني مثل طفل صغير
وخليني بحضنك سهران
وعلى صدرك غفيني
يا سامعين الصوت
بلغوها سلام الروح
خبروها في يوم حساب
مهما طال الزمان
المجروح بعدُ مجروح
كل يوم بتخايل عيونك
بشوفك بالفنجان ..حزيتة
عم تشربي الهم .. والبن بالتفل
غرقان
مع كل شفة قهوة عم تحرقيني
سكاكين بقلبي عم تجرحيني
كل ما شربت فنجان ورى فنجان
بسأل حالي وعيونك
لمَ ابتقلبي الفنجان
معقول تفتشي عليي
أو على أثر لشفافي
بفنجان سنيني
كتبت القصيدة بلا عنوان
توصل سلامي .. وقول
مهما طال الزمن
رح نرجع نلتقي
بيوم من الأيام
بس الفرق ..منكون
خرسان عميان
بمرق من حدك خيال
لا بعرفك ولا بتعرفيني
:؛::::::::::::::::::::::::::
٥/٣/٢٠١٨همسات
الشاعر توفيق سليم العجيل
ليست هناك تعليقات:
إرسال تعليق