هذه القصيدة تعليق على قصيدة الأديب الشاعر والملحن المبدع صالح البعيني( خيوط الشمس )
( إسمك يا صالح )
بواحة الأصالة شفتك بتنده هلا
ل أهل الهوى تا يشربوا من منهلا
ل روّادها واحبابها وناسوتها
بأحلى نغم ميمون عم بتغازلا
نجوم السما بتجيبها من بيوتها
عا صهلة خيول الشعر بتنزّلا
بريشة بلاغة كتبتها ع كروتها
بحروف من إبداعها العتم انجلا
إسمك يا صالح عا وشم منحوتها
محفور متل الضو عا مد الفلا
من بابها متل الشمس بتفوتها
كتبت القصيدة صارت الكلمة صلا
همس المشاعر رتّلتها بصوتها
بعرس الشعر من تاجها بتكللا
وياسر سبكها من درر ياقوتها
صارت مع الألحان موسوعة حلا
فيك البلاغة عاشقة لاهوتها
ومهما القصيدة تشيب رح تبقى معك
أحلى صبيّة فيك زاهي مخملا. د. عيسى فضة
ليست هناك تعليقات:
إرسال تعليق