حسرة ....
على شو كنّا مختلفين ؟
القصّة عمرها سنين وسنين
يا حسرة ع اللي خسرناه
وضيّعنا كرمالو سنين !!!
كنّا عشّاق وحبيبين
ما اختلفوا على حُبّنا اتنين
بلحظة دَخّلنا الشيطانْ
وفرّطنا بأطيب قلبين !!!
ما بقى بيعني مين غلطان
ولّا مين الأكتر ندمان
مادامنا قبلنا الفراق
ودبَحنا الحُبّ بسكّين !!!
ما بقى تنفع كلمة آاااه
دمعة وغصّة وعضّ شفاه
الجهل اللي نحنا لولاه
بقينا العمر متهنّين ...
في غلطة بتبقى لحظات
وفي غلطة أثمانها حيات
يا ريت بهديك الأوقات
كنّا أوعى من المجانين 😥
عامر ...
ليست هناك تعليقات:
إرسال تعليق