المجاملة ...
عندي سؤال محيّرني
وحياة قلبَك جاوبني
ليش بتجامل هَالبنات
من هيدا شو مستنّي ؟!!
ما بتعرف هَودي مَلَعين
لا تفكّر انّن حلوين !!
لولا كتر العمليات
ما في أحلى وأهضم منّي !!!
لا تقلّي برّات القلبْ
وتبلّش ردّك بالكذبْ
عَ المتلي تمرُق شو صَعبْ
احكي الصّدق وطمنّي !!
شو يعني بيكبَر راسَكْ
وبتتباهى بإحساسَكْ ؟؟
لا يغرّك كترِة ناسَكْ
هودي كذبة صَدّقني !!!
سمعوا من غيرك أكتر
عندُن للمتلك دفتر
لو شاطر هنن أشطَر
كلّ هَمُّن تبعُد عنّي !!!
لا تخسرني كرمالُن
وتحطّم قلبي قبَالُن
كلّ عاقِل قبلَك بَاعُن
اهدى وحاج تعذّبني !!!
عامر ...
ليست هناك تعليقات:
إرسال تعليق