الكسَل مفتاح الزّعل !!!
عم تتخبَّط بالأوهام
محتار كيف بَدّك تغنى ؟
مش سائِلْ لو كَنّو حَرام
وبالآخر كلّه بيفنى !!! ...
وبتبني قصور وأحلام
وحشَم بقصرَك تستنّى
تأشرّ ويقولوا الخدّام
تفضّل مولانا اتهنّى !!! ...
وإنتِ مكتِّف هالإيدين
ما لكْ همّة تتمنّى
ولا بتحرّك هالرّجلين
تا الخيبة تطلع منّا ...
وبتسبّ الحظّ بتشكِي
ليش النّحسْ مرافقنا
وبالليل بتقعد تبكي
وبتقول الله حارمنا ؟!!!!
تحرّك اسعَ هزّ كتاف
اشتغِلْ ولا تطلُبْ مِنَّه
يلّي قبلَكْ جِهِد وشافْ
وما خلّى كسَلُو سُنَّة ...
عامر ...
ليست هناك تعليقات:
إرسال تعليق