/ معزوفة فكر /
مهما المعاصي تكبر بأوزارها
ومهما الدني رح تنكشف أغوارها
ولو يختلط ع الكون وعلينا الأمر
ورح يفضح الحاسوب كل اسرارها
أو يطلع المفهوم برّات السطر
ويبقى الغرح هربان من أعمارها
من المستحيل المي يتحول خمر
وتشح عن نهر الفكر أمطارها
ويجف ع لسان القلم ريق الحبر
تصير المعارف بس كبس زرارها
ويحلّق الحسون بجوانح نسر
وعطر الأصالة يخلص بأزهارها
ما بخاف بعيون المدى يصير العمر
قلعة محبة مهدّمة أسوارها
وبيت القصيد يموت جوّاتو الشعر
خيول الشعر ما بينتهي مشوارها
صهلاتها بتضل معزوفة فكر
بساحة وعي وملعب وحي شعّارها
وما بظن يرجع هالزمن صوب الصفر
بيوت القصيدة بيكتروا زوّارها
عنقودها كل ما حلي بيعصر خمر
وطعمة عصيرو طيبة بنكهة عشق
كل ما تعتّق هالخمر بجرارها . د.عيسى فضة
ليست هناك تعليقات:
إرسال تعليق